Хоць ідэалогія ў пэўным сэнсе несапраўдная, яна арганізуе наша светаўспрыманне. І розныя ідэалогіі могуць нават уступаць у барацьбу. Такія канфлікты абвастраюцца падчас супрацьстаяння буйных палітычных сістэм. Але лінія ідэалагічнага напружання раз ад разу можа змяняцца. Цягам апошняга паўстагоддзя яна спачатку пралягала паміж аўтарытарызмам і індывідуалізмам, рэгуляванай эканомікай і свабодным рынкам. Потым рыначныя адносіны замяніліся на матэрыяльныя і нематэрыяльныя каштоўнасці. Апошнім часам зноў адбыліся змены: замест проціпастаўлення аўтарытарнае – індывідуальнае з’явілася новае: закрытыя і адкрытыя палітычныя сістэмы.