Уладзімір Батаеў. З’яўляецца кіраўніком аддзела “разумных гарадскіх рашэнняў” у EsperantoXL – галандскім сістэмным інтэгратары і распрацоўшчыку разумных рашэнняў у галіне транспарту ды лагістыкі, а таксама ў іншых сегментах разумнага горада.
Ён працаваў з муніцыпалітэтамі, архітэктурнымі фірмамі і фірмамі, якія займаюцца гарадскім планаваннем, а таксама з інавацыйнымі кластарамі ў Фінляндыі, Малайзіі, Нідэрландах, ААЭ і Вялікабрытаніі ў розных праектах, такіх як:
- інтэграцыя разумнай энэргасеткі з сістэмай кіравання попытам/пастаўкай электраэнергіі ў буйных раёнах;
- перапрафіляванне існуючых пустых будынкаў, каб прыбраць прыпаркаваныя аўтамабілі з жылых вуліц;
- распрацоўка новага падыходу да дастаўцы тавараў у горадзе, дзе існуюць сур’ёзныя абмежаванні на перамяшчэнне аўтатранспарту;
- інтэграцыя кампанентаў vehicle-to-grid (працэс, калі батарэі электрамабіляў разраджаюцца ў энэргасетку) і іх прапанова канчатковым карыстальнікам;
- выкарыстанне агульнагарадскіх платформ для інтэграцыі праграмнага забеспячэння і гарадскога абсталявання з тым каб стварыць новае пакаленне паслуг для грамадзян.
Яго ўвага засяроджана на выяўленні канкрэтных мясцовых гарадскіх праблем, якія могуць быць хутка вырашаны з дапамогай разумных гарадскіх рашэнняў, іх рэалізацыі і стварэнні выразных каналаў сувязі для грамадзян, якія дапамагаюць быць упэўненымі, што грамадзяне атрымліваюць адчувальныя выгоды, і што якасць іх жыцця паляпшаецца.
Ён багата выступае з лекцыямі па тэме разумных гарадскіх рашэнняў на мерапрыемствах у Амстэрдаме, Куала-Лумпуры, Лондане, Люксембургу, Сеуле, Турыне і іншых гарадах.
EsperantoXL гэта сістэмны інтэгратар і распрацоўшчык разумных рашэнняў у галіне транспарту, лагістыкі і паркоўкі. EsperantoXL была заснавана ў 2002 годзе, знаходзіцца ў Утрэхце (Нідэрланды) і знаходзіцца ў прыватнай уласнасці. Ключавымі кліентамі з’яўляюцца галандская чыгунка, DHL, ING, Amsterdam Parking Authority і іншыя.
Аддзел “разумных гарадскіх рашэнняў” уяўляе сабой спецыялізаваную групу ў рамках EsperantoXL, якая факусуецца на даследаванні, кансалтынгу і рэалізацыі праектаў у галіне разумных гарадоў – на скрыжаванні інфармацыйных тэхналогій, аналізу дадзеных, архітэктуры, горадабудаўніцтва і асноў грамадскай палітыкі.