ЛЯТУЧЫ УНІВЕРСІТЭТ
Пра дыстанцыйную платформу

Платформа – гэта магчымасць пераадолець абмежаванні часу і прасторы і зрабіць дасяжнымі для шырокага кола людзей унікальныя веды, новыя погляды і праблемы, способы і метады мыслення.

За больш як шэсць гадоў працы Лятучы ўніверсітэт атрымаў вялікі досвед нефармальнай адукацыі і багаты архіў лекцый і дыскусій, праведзеных выбітнымі беларускімі інтэлектуаламі, культурнымі і грамадскімі дзеячамі, навукоўцамі і спецыялістамі.

Прыйшоў час адкрыць больш шырокія магчымасці далучэння да ведаў, камунікацыі і мыслення!

Платформа адкрытая для далучэння ініцыятываў і арганізацый, якія займаюцца адукацыяй ў Беларусі і гатовыя прапанаваць курсы ці публічныя лекцыі для размяшчэння на платформе.

Што тут можна знайсці?

На платформе будуць прадстаўленыя курсы і лекцыі Лятучага ўніверсітэта ды іншых ініцыятыў і нефармальных аб’яднанняў. Тэматыка курсаў і лекцый самая шырокая, абмежаваная глыбінёй тэм і праблемаў, якія сёння ствараюць выклік для сучаснага грамадства і чалавека.

На платформе існуюць два вялікіх раздзелы:

КУРСЫ – складаюцца з шэрагу відэалекцый і дадатковых матэрыялаў да іх, а таксама форуму для камунікацыі. Мы прапануем як новыя адмыслова створаныя для дыстанцыйнай платформы, так і некаторыя “архіўныя” курсы Лятучага ўніверсітэта, якія ў розныя гады былі прачытаны і зафіксаваны на відэа.

ПУБЛІЧНЫЯ ЛЕКЦЫІ – прапануюцца відэазапісы публічных лекцый па шырокаму колу тэмаў, якія праводзяць розныя ініцыятывы і арганізацыі. 

Як гэта працуе?

  • Для вывучэння курсаў і прагляду лекцый патрабуецца толькі рэгістрацыя.
  • Вы можаце праходзіць курсы і слухаць лекцыі ў любы зручны для Вас час.
  • Вы можаце даваць ацэнкі курсаў, каб ствараць “грамадскі” рэйтынг найбольш папулярных тэмаў і выкладчыкаў.

Слухайце, чытайце, ацэньвайце, абмяркоўваце і дзяліцеся з іншымі!

 

Для размяшчэння на платформе курсаў і лекцый, калі ласка, пазнаёмцеся з нашымі мэтамі, а таксама з прынцыпамі і патрабаваннямі для стварэння курсаў.

НАШЫЯ  МЭТЫ  і  КАШТОЎНАСЦІ

ПРЫНЦЫПЫ  і  КРЫТЭРЫ  СТВАРЭННЯ  КУРСАЎ

 

Пакуль платформа працуе ў тэставым рэжыме, таму адразу выбачаемся за недарэчнасці і будзем удзячныя за заўвагі і прапановы!

Кантакты: flyuniby@gmail.com