Уваскрэсіць з нябыту імёны беларускіх літаратараў – галоўная ідэя праекта “(Не) расстраляная паэзія”.
З агульнай трагедыі – да асобаў, за кожнай з якіх сваё мары, каханні, стыль, жыццё. Праект уключае іх творчасць у сучасны культурны кантэкст і дазваляе аддаць даніну памяці тым, чый шлях быў гвалтоўна спынены 80 гадоў таму.
Цягам году ў кнігарні “Логвінаў” праходзілі адкрытыя лекцыі, прысвечаныя героям праекта «(Не) расстраляная паэзія». Лекцыі чыталі знаўцы беларускай літаратуры: Андрэй Хадановіч, Антон Рудак, Аляксей Стральцоў, Віктар Жыбуль, Ганна Севярынец, Вольф Рубінчык, Васіль Дранько-Майсюк, Язэп Янушкевіч.
На словы рэпрэсаваных паэтаў вядучыя музыкі краіны стварылі песьні.
На facebook з’явіліся старонкі паэтаў.
З друку выйшлі дызайнерскія нататнікі з выявамі творцаў і цытатамі з іх твораў.
Сяргей Будкін заснавальнік партала TuzinFM.by і аўтар праекта “(Не)расстраляныя” кажа: “Траўма такая вялікая і сур’ёзная, што нават сваякі рэпрэсаваных пра гэта не размаўляюць – баяцца… Змяняць сітуацыю трэба паслядоўна, пачынаючы з узроўню сям’і, школы, атачэння. Таму мы выкарыстоўваем лазейку музычную: пра рэпрэсіі кажуць куміры новага пакалення, для тых сваіх слухачоў, якія пра гэта не думалі, а то і не ведалі”.
Праект падштурхнуў сучасных творцаў і журналістаў да даследаванняў і стварэння новых фільмаў і твораў, прысвечаных трагічным і яскравым 30-ым. Распачаўся флэшмоб #ланцугпамяці, у якім літаратары і грамадскія актывісты чытаюць вершы расстраляных паэтаў.
«(Не)расстраляныя». Кніга – гэта працяг праекту. Героі кнігі папулярныя ў 1920-х-1930-х гг. беларускія пісьменнікі: 18 лёсаў, больш за 100 твораў, каля 100 фотаздымкаў з архіваў ды прыватных калекцый.
Курс (Не) расстраляная паэзія – збірае напрацаванае ў межах праекта і не толькі.
Курс дазваляе паглыбіцца ў жыццё і творчасць 18-ці літаратараў, якія загінулі падчас сталінскіх рэпрэсій. Для кожнай асобы прадстаўленыя лекцыі ад гісторыкаў і літаратуразнаўцаў, песні і вершы ў выкананні дзеячаў культуры і звычайных грамадзян (#ланцугпамяці). Да кожнага з літаратараў дададзеныя артыкулы і фільмы пра іх, а таксама іх творы і спасылкі на кнігі.
МЫ МУСІМ ІХ ПАМЯТАЦЬ, КАБ НЯ ЗНІКНУЦЬ САМІМ.
Каб атрымаць доступ да фільмаў, артыкулаў, музыкі і твораў паэтаў, калі ласка, ЗАРЭГІСТРУЙЦЕСЯ!
Пастаўце адзнаку курсу:
беларускі паэт рэдкага таленту і на дзіва ранняй творчай сталасці. Адна з найбольш недаацэненых постацяў у айчыннай літаратуры 20-30-х гадоў ХХ ст. Бліскучы перакладчык, які пераствараў па-беларуску вершы Г.Гайнэ.
унікальны голас, інтанацыя і філасофскае здумленне беларускай літаратуры. Пісаў на ідыш і ўзначальваў сусветны ідышскі ПЭН-клюб. Наноў вяртаецца ў беларускую культуру праз пераклады, выданні і даследаванні.
паэт-рамантык, меланхалічны, іранічны і падобны на Дон Кіхота. Член літаратурных аб’яднанняў «Маладняк», «Узвышша», БелАПП і ТАВІЗ. Перакладаў рускую паэзію на беларускую мову.
піянер кінасправы на Беларусі, адзін з першых – і вельмі таленавітых – фельетаністаў, пісьменнік-гумарыст, адзін з пачынальнікаў прыгодніцкага беларускага рамана, нястомны змагар за беларусізацыю.
не збіраўся быць пісьменнікам, але занатаваў свой сон і пачаў пісаць. У 20-30 гг. ён быў адным з самых папулярных пісьменнікаў, майстарам псіхалагічнай прозы. Ягоныя сюжэты – закручаныя, напружаныя, парадаксальныя.
дасканала ведаў побыт габрэяў і быў наватарам у лексіцы, вобразах і метафарах свайго часу. Яго сачыненні вывучалі ў габрэйскіх школах і вучэльнях, а вершы перакладалі лепшыя беларускія паэты.
празаік, драматург, лідар “Маладняка”, зорка беларускай пралетарскай паэзіі, сцэнарыст першага беларускага мастацкага фільма «Лясная быль». Спяваў у хоры пры «Беларускай хатцы», выконваў ролі ў трупе У.Галубка.
пісаў вершы з 15 год, актыўна друкаваўся, перакладаў расейскіх паэтаў, выступаў як тэатральны і кінакрытык. Паспеў скончыць літ.факультэт у менскім педагагічным інстытуце ды пабачыць свой першы паэтычны зборнік.
праславіўся як творца яшчэ непаўналетнім. Яго вершы вучылі на памяць школьнікі і студэнты. Следчыя здзіўляліся яго нязломнасці. Ён не прызнаў сябе вінаватым і нікога ня выдаў.
празаік, паэт, драматург, рэжысёр, актор, мастак-дэкаратар. Друкаваўся ў “Нашай Ніве” і склаў каля 40-ка п’ес, стварыў беларускі вандроўны тэатр, які стаў дзяржаўным. Першы Народны артыст Беларусі.
паэт, крытык, перакладчык. Аўтар ідэі літаб’яднання “Маладняк” і верша “Пасеклі край наш папалам”. Першы беларускі перакладчык «Фаўста» Гётэ, «Атэла» Шэкспіра, пушкінскага «Анегіна». Тройчы арыштаваны.
паэт, які забараняў сабе пісаць “сапраўдныя” вершы, выпальваў з сабе лірычнасць і карункавасць рыфмаў, пакідаючы “здаровы, рэальны падыход да абмалёўвання жыцця на грунце класава– марксісцкай ідэалогіі”.
таленавіты беларускі паэт, што загінуў у 25 год. Рупліва насычаў беларускую літаратурную мову адметнасцямі і дыялектызмамі. Напісаў паэму “Бенгалія”, якую лічаць адным з “фантомных” твораў беларускай літаратуры.
прэм’ер-міністр БНР, адзін з самых харызматычных дзеячаў беларускага Адраджэння, стваральнік мовы і ўласнай гісторыі Беларусі. Апантаны прыхільнік Крыў’я.
самы недаследаваны і загадкавы паэт, расстралянага пакалення. Быў настаўнікам і належаў да так званых паэтаў-ударнікаў, асноўнай тэмай якіх было ўслаўленне працы рабочага.
чалавек эпохі Адраджэння: старшыня першага савецкага беларускага ўрада і паэт, акадэмік і выдавец, празаік і педагог. Рэдактар першай савецкай газеты на беларускай мове “Дзянніца”.
беларускі паэт, сябра літаратурнага аб’яднання “Маладняк”. Настаўнічаў і вёў літаратурныя гурткі.
Наша жизнь наполнена конфликтами и в определенном смысле движ...
Как донести свою идею до широкой публики? Как продумать и выстроить отношения с партнерами...
Чым адрозніваюцца роўны і справядлівы доступ к атрыманню адукацыі? Што такое адукацыйна...